Në zbatim të ligjit Nr. 8549, datë 11.11.1999 " Statusi i nëpunësit civil", Departamenti i Administratës Publike shpall konkurrimin
për 1 vend të lirë në pozicionin Specialist në Zyrën e Prokurimeve në Drejtorinë e Shërbimeve të Brendshme në Ministrinë e Punës,
Çështjeve Sociale dhe Shanseve të Barabarta.
Kandidatët duhet të plotësojnë kërkesat e përgjithshme për pranimin në Shërbimin Civil në përputhje me Nenin 12 të Ligjit nr. 8549
datë 11.11.1999 " Statusi i nëpunësit civil".
KËRKESA TË VEÇANTA PËR KANDIDATËT
• Të ketë mbaruar arsimin e lartë në Fakultetin e Inxhinierisë së Ndërtimit;
• Të ketë njohuri të gjuhës angleze;
• Të përdorë programet bazë të punës në kompjuter;
• Të ketë aftësi të mira komunikuese dhe menaxhuese;
Paga e pozicionit: është në kategorinë IV-a(50000+220 lekë për çdo vit vjetërsi).
PARAQITJA E DOKUMENTEVE: Kandidati duhet të paraqesë brenda datës 02.03.2009 në Kutinë Postare Nr. 1751 të Departamentit
të Administratës Publike, pranë Ministrisë së Brendshme, këto dokumente: kërkesën për Aplikim; CV-në, fotokopje të diplomës
dhe librezës së notave, të librezës së punës, certifikatave të kualifikimit, dëshmive të gjuhëve të huaja dhe kompjuterit (nëse ka),
vërtetimin e gjendjes gjyqësore, të paktën një letër rekomandimi, një numër telefoni për tu kontaktuar si dhe adresën e plotë të vendqëndrimit.
(Mosparaqitja e plotë e dokumenteve sjell skualifikim të kandidatit).
KONKURRIMI: është i hapur për nëpunësit civil të të njëjtës klasë me procedurat e lëvizjes paralele dhe të ngritjes në detyrë, nëse
vendi nuk plotësohet nga këta kandidatë, konkurrimi zhvillohet me kandidatët jashtë Administratës Publike, sipas procedurave të
shërbimit civil.
Pas verifikimit paraprak më datë 05.03.2009 në selinë e Ministrisë së Punës Publike, Çështjeve Sociale dhe Shanseve të Barabarta do
të shpallet lista e konkurrentëve, që do të vazhdojnë më tej konkurrimin si dhe data kur do të zhvillohet testimi me shkrim dhe intervista
me gojë.
Konkurrimi do të bazohet në njohuritë mbi legjislacionin bazë të prokurimit publik, Ligji 9131 dt. 08.09.2003 "Për rregullat e Etikës
në Administratën Publike" Ligjin nr. 9367 dt. 07.04.2005 "Për parandalimin e konfliktit të interesave në ushtrimin e funksioneve
publike", Ligji nr. 8503 dt. 30.06.1999 " Për të drejtën e informimit për dokumentet zyrtare".
Të gjitha njoftimet për shpalljet e vendeve të lira, rezultatet e verifikimit paraprak si dhe datat kur do të zhvillohen testimet, mund
ti gjeni në adresën e Web Site të Departamentit të Administratës Publike www.pad.gov.al.