Në zbatim të ligjit Nr.8549, datë 11.11.1999 “ Statusi i Nëpunësit Civil”, Departamenti i Administratës Publike shpall konkurrimin për 1 vend të lirë në pozicionin Drejtor në Dejtorinë e Integrimit Europian në Ministrinë e Punës, Çështjeve Sociale dhe Shanseve të Barabarta. Kandidatët duhet të plotësojnë kërkesat e përgjithshme për pranimin në Shërbimin Civil në përputhje me nenin 12, të ligjit nr. 8549, datë 11.11.1999 “ Statusi i Nëpunësit Civil”. KËRKESA TË VEÇANTA PËR KANDIDATËT: • Të ketë mbaruar Arsimin e Lartë, përbëjnë avantazh studimet dhe kualifikimet pasuniversitare; • Të ketë jo më pak se 3-vjet eksperiencë pune; • Të ketë njohuri të gjuhës angleze; • Të përdorë programet bazë të punës në kompjuter; • Të ketë aftësi të mira menaxhuese dhe të punës në grup Paga e pozicionit është në kategorinë II-b (97500+220 lekë për çdo vit vjetërsi) Paraqitja e dokumenteve: Kandidati duhet të paraqesë brenda datës 11.05.2009 në Kutinë Postare Nr.1751 të Departamentit të Administratës Publike, pranë Ministrisë së Brendshme këto dokumenta: kërkesën për Aplikim, CV-në, fotokopje të diplomës dhe librezës së notave, të librezës së punës, certifikatave të kualifikimit, dëshmive të gjuhëve të huaja dhe kompjuterit, vërtetimin e gjendjes gjyqësore, të paktën një letër rekomandimi, sid he një numër telefoni për tu kontaktuar si dhe adresën e plotë të vendqëndrimit (Mosparaqitja e plotë e dokumenteve sjell skualifikim të kandidatit). KONKURRIMI: është i hapur për nëpunësit civil të së njëjtës klasë me procedurat e lëvizjes paralele dhe të ngritjes në detyrë, nëse vendi nuk plotësohet nga këta kandidatë konkurrimi zhvillohet me kandidatët jashtë administratës publike, sipas procedurave të shërbimit civil. Pas verifikimit paraprak më datë 14.05.2009, në selinë e Ministrisë së Punës, Çështjeve Sociale dhe Shanseve të Barabarta do të shpallet lista që do të vazhdojnë më tej konkurrimin sid he data kur do të zhvillohet testimi me shkrim dhe intervista me gojë. Konkurrimi do të bazohet në njohuritë mbi Strategjinë e Mbrojtjes Sociale, Politikat e Migracionit, në veçanti Plani kombëtar i zbatimit të MSA-së (materiale që mund të merren pranë Ministrisë së PCSSHB), Ligji nr. 9131 dt. 08.09.2003 “ Për Rregullat e Etikës në Administratën Publike”, Ligjin nr. 9367 dt. 07.04.2005 “ Për parandalimin e konfliktit të interesave në ushtrimin e funksioneve publike”, Ligji nr. 8503 dt. 30.06.1999 “ Për të drejtën e informimit për dokumentet zyrtare”. Të gjitha njoftimet për shpalljet e vendeve të lira, rezultatet e verifikimit paraprak si dhe datat kur do të zhvillohen testimet mund ti gjeni në adresën e Web Site të Departamentit të Administratës Publike www.pad.gov.al.
