Në zbatim të ligjit Nr. 8549, datë 11.11.1999 " Statusi i Nëpunësit Civil" Departamenti i Administratës Publike shpall konkurrimin për 1 vend të lirë në pozicionin Specialist në Sektorin e çështjeve të Sigurisë, në Drejtorinë e NATO-s në Ministrinë e Punëve të Jashtme. Kandidatët duhet të plotësojnë kërkesat e përgjithshme për Pranimin në Shërbimin Civil në përputhje me nenin 12 të ligjit nr. 8549 datë 11.11.1999 " Statusi i nëpunësit Civil". KERKESA TE VEÇANTA PER KANDIDATET: • Të ketë mbaruar arsimin e lartë në një nga degët e shkencave shoqërore; • Të zotërojë gjuhën angleze; • Të përdorë programet bazë të punës në kompjuter; • Të ketë aftësi të mira komunikuese dhe të punës në grup Paga e pozicionit: është në kategorinë IV-b (40000+220 lekë për çdo vit vjetërsi). Paraqitja e dokumenteve: Kandidati duhet të paraqesë brenda datës 14.05.2009 në Kutinë Postare Nr. 1751 të departamentit të Administratës Publike, pranë Ministrisë së Brendshme këto dokumente: kërkesën për Aplikim; CV-në; fotokopje të diplomës dhe librezës së notave, të librezës së punës, certifikatave të kualifikimit; dëshmive të gjuhëve të huaja dhe kompjuterit, vërtetimin e gjendjes gjyqësore si dhe të paktën një letër rekomandimi, një numër telefoni për tu kontaktuar si dhe adresën e plotë të vendqëndrimit.(Mosparaqitja e plotë e dokumenteve sjell skualifikim të kandidatit). KONKURRIMI: është i hapur për nëpunësit civil të së njëjtës klasë me procedurat e lëvizjes paralele dhe të ngritjes në detyrë, nëse vendi nuk plotësohet nga këta kandidatë konkurrimi zhvillohet me kandidatët jashtë Administratës Publike, sipas procedurave të shërbimit civil. Pas verifikimit paraprak më datë 19.05.2009 në selinë e Ministrisë së Punëve të Jashtme do të shpallet lista e konkurrentëve që do të vazhdojnë më tej konkurrimin si dhe data kur do të zhvillohet testimi me shkrim dhe intervista me gojë. Konkurrimi do të bazohet në njohuritë mbi Ligjin për shërbimin e jashtëm dhe rregulloren përkatëse (www.mfa.gov.al), "E drejta ndërkombëtare" - botim A.Puto ,Konventa e Vjenës për marrëdhënieve diplomatike, dhe Ligjin nr. 9131 dt. 08.09.2003 "Për rregullat e Etikës në Administratën Publike" Ligjin nr. 9367 dt. 07.04.2005 "Për parandalimin e konfliktit të interesave në ushtrimin e funksioneve publike", Ligji nr. 8503 dt. 30.06.1999 "Për të drejtën e Informimit për Dokumentet zyrtare". Të gjitha njoftimet për shpalljet e vendeve të lira , rezultatet e verifikimit paraprak si dhe datat kur do të zhvillohen testimet, mund ti gjeni në adresën e Web Site të Departamentit të Administratës Publike www.pad.gov.al.
