MINISTRIA E EKONOMISE, TREGTISE DHE ENERGJETIKES ftese per oferte
1. Ministria e Ekonomise, Tregtise dhe Energjetikes bazuar ne VKM Nr.1191, date 20.08.2008 “Per percaktimin e autoritetit kontraktues per dhenien me koncension te hidrocentralit “LANGARICA 3” , dhe miratimin e bonusit ne proceduren perzgjedhese konkuruese qe i jepet shoqerise” dhe VKM nr. 27 date 19.01.2007 “Per miratimin e rregullave te vleresimit dhe te dhenies se koncesioneve“ i ndryshuar, shpall ftesen per pjesmarrje ne proceduren konkuruese per dhenie koncesioni per ndertimin e hidrocentralit mbi lumin e Gostivishtit, Rrethi Permet. 2. Kërkohet që projekti te realizohet mbi lumin e Gostivishtit, Rrethi Permet. 3. Ofertuesit e interesuar mund të njihen me dokumentat standarde te procedures konkuruese ne Drejtorine e Liçencave dhe Menaxhimit te Kontratave, prane METE, me personin pergjegjes te caktuar znj. Miranda Bashi. 4. Një kopje e plotë e dokumentave standarde të konkurimit mund të blihet nga kandidatet e interesuar me anë të një kërkese me shkrim drejtuar Autoritetit Kontraktues në zyrën e cituar më sipër dhe me pagesën e një tarife të pakthyeshme prej 5 000 Leke, tarife e cila do te derdhet ne Nr.llog 0104030780 te METE-s, prane “Raiffeisen Bank” Tirane. 5. Ofertuesit te paraqesin vetem nje oferte, ku te angazhohen se pranojne kushtet e percaktuara ne ftesen per procedure konkuruese dhe detyrimet qe rrjedhin nga fitimi i procedures konkuruese. Shpenzimet e kryera per te marre pjese ne proceduren konkuruese nuk rimbursohen nga Autoriteti Kontraktues. 6. Ofertat duhet të shoqërohen nga dokumenta ligjorë dhe administrativë origjinalë ose kopje te noterizuar, si provë e kërkesave kualifikuese të përcaktuara në dokumentat e procedures konkuruese dhe te dërgohen tek Ministria e Ekonomise, Tregtise dhe Energjetikes, ne adresen: Bulevardi “Deshmoret e Kombit” 1001-Tirane. 7. Sigurimi i ofertes, qe eshte në shumën prej 2% te vleres se Projektit, të dorëzohet së bashku me oferten. Format e pranueshme të sigurimit janë përshkruar në dokumentat e procedures konkuruese. 8. Asnjë ofertues nuk do të përjashtohet nga pjesëmarrja në proceduren e konkurimit në bazë të shtetësisë. 9. Afati i fundit për dorëzimin e ofertave është data 27 Maj 2009, ora 1100. Ofertat e dorëzuara pas këtij afati do të refuzohen. 10. Ofertat do të hapen ne Ministrine e Ekonomise, Tregtise dhe Energjetikes, ne Sallen e Mbledhjeve, Kati i pare, data 27 Maj 2009, ora 1100. 11. Përfaqësues të ofertuesve janë të ftuar të ndjekin hapjen e ofertave.
