Në zbatim të ligjit Nr. 8549, datë 11.11.1999 " Statusi i Nëpunësit Civil", Departamenti i Administratës Publike rishpall konkurrimin për 1 vend të lirë në pozicionin Specialist në Drejtorinë e Menaxhimit dhe Monitorimit të Buxhetit në Drejtorinë e Përgjithshme të Buxhetit në Ministrinë e Financave. Kandidatët duhet të plotësojnë kërkesat e përgjithshme për pranimin në Shërbimin Civil në përputhje me nenin 12, të ligjit nr. 8549, datë 11.11.1999 " Statusi i Nëpunësit Civil". KËRKESA TË VEÇANTA PËR KANDIDATËT: • Të ketë mbaruar studimet e Larta për Ekonomik, me notë mesatare mbi 7.5 • Të ketë njohuri të mira të gjuhës angleze • Të përdorë programet bazë të punës në kompjuter • Të ketë aftësi të mira komunikuese dhe të punës në grup Paga e pozicionit është në kategorinë III-b (62500+220 lekë për çdo vit vjetërsi) Paraqitja e dokumenteve: Kandidati duhet të paraqesë brenda datës 07.06.2009 në Kutinë Postare Nr. 1751 të Departamentit të Administratës Publike, pranë Këshillit të Ministrave këto dokumente: kërkesën për Aplikim, CV-në, fotokopje të diplomës dhe librezës së notave, të librezës së punës, certifikatave të kualifikimit, dëshmive të gjuhëve të huaja dhe kompjuterit, (nëse ka), vërtetimin e gjendjes gjyqësore si dhe të paktën , dy letra rekomandimi, një numër telefoni për tu kontaktuar si dhe adresën e plotë të vendqëndrimit. (Mosparaqitja e plotë e dokumenteve sjell skualifikim të kandidatit). KONKURRIMI: është i hapur për nëpunësit civil të së njëjtës klasë me procedurat e lëvizjes paralele dhe të ngritjes në detyrë, nëse vendi nuk plotësohet nga këta kandidatë konkurrimi zhvillohet me kandidatët jashtë Administratës Publike, sipas procedurave të shërbimit civil. Pas verifikimit paraprak, me datë 10.06.2009, në selinë e Ministrisë së Financave do të shpallet lista e konkurrenteve, që do të vazhdojnë më tej konkurrimin si dhe data kur do të zhvillohet testimi me shkrim dhe intervista me gojë. Konkurrimi do të bazohet në njohuritë mbi Legjislacioni për sistemin buxhetor në RSH, ligji i bankës, marrëveshja vjetore e MF me Bankën e Shqipërisë (materiale që mund të merren pranë Ministrisë përkatëse) Ligji 9131 dt. 08.09.2003 " Për Rregullat e Etikës në Administratë Publike", Ligjin nr. 9367 dt. 07.04.2005 "Për parandalimin e konfliktit të në ushtrimin e funksioneve publike", Ligji nr. 8503 dt. 30.06.1999 "Për të drejtën e informimit për dokumentet zyrtare" . Të gjitha njoftimet për shpalljet e vendeve të lira, rezultatet e verifikimit paraprak si dhe datat kur do të zhvillohen testimet mund ti gjeni në adresën e Web Site të Departamentit të Administratës Publike www.pad.gov.al.
