THIRRJE PĖR PROJEKTE MJEDISORE Qendra Rajonale e Mjedisit për Europën Qendrore e Lindore (REC) Zyra në Shqipëri, me mbështetjen e Ambasadës së Mbretërisë së Vendeve të Ulëta, njofton hapjen e thirrjes për pranimin e Projekt Propozimeve nga Organizatat Jofitimprurëse për mbështetje në kuadër të Fondit Special Holandez 2 “Projekte Mjedisore me Nisma Vendore”. Komponenti i Granteve i këtij Programi do të identifikojë dhe mbështesë projekte të OJF-ve që rezultojnë në ndryshime pozitive të kushteve mjedisore dhe nxisin e përmirësojnë proceset gjithëpërfshirëse të planifikimit mjedisor, vendimmarrjes mjedisore dhe nivelin e ndërgjegjësimit për mjedisin. Me anë të këtij programi synohet që: • të përmirësohet procesi dhe rezultatet e planifikimit mjedisor në nivel vendor; • të mbështetet përmirësimi dhe rehabilitimi i kushteve mjedisore dhe jetesës për komunitetet vendore; • të nxitet bashkëpunimi ndërmjet aktorëve të ndryshëm për mjedisin; • të përmirësohen nivelet e pjesëmarrjes dhe ndërgjegjësimit të publikut për mjedisin. Programi parashikon tre lloje grantesh, në varësi të shumës maksimale në dispozicion për secilin grant: • grante të vogla shuma në lekë e barazvlefshme me 5.000 EUR • grante të mesme shuma në lekë e barazvlefshme me 15.000 EUR • grante të mëdha shuma në lekë e barazvlefshme me 40.000 EUR Afati i dorëzimit të Projekt Propozimeve ështe: 19 Qershor 2009. Për kërkesat dhe kushtet e aplikimit për këto grante shikoni Udhëzuesin për Përgatitjen e Projekt Propozimeve. OJF-të aplikuese duhet të plotësojnë kushtet dhe kriteret e paraqitura në Udhëzuesin e plotë dhe të plotësojnë Formatin e Aplikimit për Projekt Propozime, që gjenden në zyrën e REC në Shqipëri, ose në adresën e mëposhtme në internet: http://albania.rec.org/Projects/Grante/TF2/TF2_grante.html Projekt propozimet duhet të paraqiten, në origjinal, në zyrën e REC në Shqipëri brenda datës së caktuar. Për më shumë informacion lidhur me këtë program mund të kontaktoni me: Alken Myftiu REC Shqipëri Rr. Ismail Qemali, Nr. 27 Kutia postare 127, Tiranë, Shqipëri Tel/Faks: +355 4 2232928 E-mail: grants@albania.rec.org Internet: http://albania.rec.org
