Qeveria e Republikës së Maqedonisë
BURSA PËR SPECIALIZIME TË UNIVERSITETEVE TË NJOHUR GLOBALË PËR DOKTORËT E RINJ (MJEKËT) NË REPUBLIKËN E MAQEDONISË
Qeveria e Republikës së Maqedonisë i informon doktorët e rinj në Republikën e Maqedonisë se në vitin shkollor 2009/2010 do të fillojë me realizimin e projektit
për stipendimin e kuadrit të ri mjekësor nga Republika e Maqedonisë për specializime të 100 universiteteve më të mira në Shtetet e Bashkuara të Amerikës
(pranë qendrave të tyre medicinale apo në spitalet e afishuar me universitetet). Përpos kësaj, do të pranohen aplikacione edhe për specializime në 10 universitetet
më të ranguar në Evropë (sipas rang-listës së publikuar të fundit, të universiteteve nga Instituti për arsim të lartë pranë Universitetit Xhiao Tong nga Shangaji).
Qeveria e Republikës së Maqedonisë, në kuadër të programit, plotësisht do t’i mbulojë shpenzimet për studim (shkollimin, bursën mujore, kompensim për librat,
shpenzimet e rrugës dhe sigurimin).
Përpos kësaj, Qeveria do t’i financojë edhe trajnimet përgatitore për dhënien e provimeve standardizues kualifikues për regjistrim në këto universitete (MCAT dhe
TOEFL), gjegjësisht testet e specializuara të nevojshëm për pranim në universitete në Evropë.
Çdo doktor i ri i cili do ta fitojë bursën, do të nënshkruajë marrëveshje me Qeverinë e Republikës së Maqedonisë me të cilën obligohet se pas përfundimit të
studimeve, për çdo të stipenduar duhet të punojë në ndonjë ent publik shëndetësor në Maqedoni, më së paku tre herë më gjatë nga ajo periudhë të cilën e ka kaluar
në studime, apo nga ana tjetër, t’i kthejë mjete në shumë trefishe nga ajo që Qeveria ka paguar për studimin e tij, gjegjësisht specializimin. Po që se ndonjë doktor
i ri nuk është i punësuar, ndërsa arrit që të kualifikohet në këtë program, atëherë Qeveria do të sigurojë punësim prioritar të doktorit të ri në ndonjërin nga entet
publikë shëndetësorë në Republikën e Maqedonisë.
Qeveria është e përgatitur që në një periudhë prej më së paku 3 (tre) vjet t’i pranojë të gjitha aplikacionet e doktorëve të rinj të cilët do të selektohen nga universitetet
e lartpërmendur.
Kushtet për paraqitje në pjesëmarrje në këtë program, janë me sa vijon;
• Fakultet të kryer të Mjekësisë;
• Test i dhënë MCAT (Medical College Admission Test) dhe TOEFL apo teste të tjerë përkatës të specializuar, të nevojshëm për pranim në universitetet në
Evropë, dhe
• Mosha deri në 35 vjet
I ftojmë të gjithë doktorët e rinj të interesuar (mjekë), që biografinë e tyre të shkurtër (CV), ta dorëzojnë në
e-mailin në vijim – specijalizacija@gs.gov.mk më së voni deri më 15 (pesëmbëdhjetë) gusht 2008 (në këtë
adresë elektronike mund t’i parashtroni edhe të gjitha pyetjet në lidhje me këtë program).
