Teatri Kombëtar i Kosovës – TKK i fton të gjithë krijuesit shqiptarë që të konkurrojnë me
dramat e tyre në konkursin për dramë kombëtare “Katarina Josipi 2008”. Ky konkurs është
mbështetur financiarisht nga Ministria e Kulturës, Rinisë dhe Sportit e Republikës së Kosovës.
Kriteret dhe kushtet
- Konkursi për dramë “Katarina Josipi” është i hapur për të gjithë krijuesit shqiptarë që shkruajnë drama;
- Një autor mund të sjellë më së shumti dy drama për shqyrtim;
- Dramat që konkurrojnë në këtë konkurs duhet të jenë jo më të shkurtra se 50 minuta;
- Dramat e të gjitha zhanreve do të merren në shqyrtim, por prioritet në këtë edicion do t`u jepet komedive;
- Tema dhe as numri i personazheve nuk janë të limituara;
- Dramat e papërfunduara apo sinopsiset nuk do të merren fare në shqyrtim;
- Dramat që sillen në këtë konkurs duhet të jenë origjinale, të shkruara mbas vitit 2000,
duhet të jenë të pa inskenuara më përpara dhe të pabotuara;
- Tri dramat më të mira shpërblehen me tri çmime. Çmimi i parë 3,600 euro, çmimi i dytë me 2,400 dhe çmimi i tretë me 1,200 euro;
- Dramat që shpërblehen, poashtu, fitojnë të drejtën për lexime skenike në TKK në vitin 2009;
- Drama që fiton vendin e parë gjithashtu konsiderohet si dramë potenciale për t`u
inskenuar në njërën nga sezonet e ardhshme në TKK;
- Tri dramat fituese botohen në një edicion special;
- Dramat duhet të dërgohen në adresë të Teatrit Kombëtar të Kosovës (Teatri Kombëtar i
Kosovës, Sheshi Nëna Terezë, nr.21, Prishtinë, Kosovë);
- Dramat dorëzohen në tri kopje. Faqja e parë duhet të përmbajë: emrin dhe mbiemrin e
autorit, adresën e autorit dhe mënyrën e kontaktimit me të, të dhëna për dramën: kur është
shkruar dhe mbishkrimin “Konkursi për Dramë ‘Katarina Josipi 2008”;
- Autorët që sjellin dramat e tyre në këtë konkurs konsiderohet se i pranojnë kushtet e këtij konkursi;
- Konkursi konsiderohet i hapur nga dita e publikimit në media (Korrik 2008), kurse mbyllet
zyrtarisht me 25 Dhjetor 2008. Çdo dramë e ardhur mbas datës 25 Dhjetor nuk do të merret ne shqyrtim.
